Sabada sistem desentralisasi disahkeun, pengelolaan program KB jadi bagean otonomi pamarentah daerah sakumaha Kepres No. 103 taun 2001. Hasil jeung henteuna program KB sacara nasional gumantung pisan kana sukses henteuna pengelolaan program jeung kelembagaan KB di kabupaten/kota. Kota Bekasi mangrupa salasahiji daerah nu kawilang nyugemakeun dina hal prestasi pengelolaan program KB di taun 2010. Sabaraha prestasi boh di tingkat Nasional boh di tingkat Jawa Barat geus kacangking ku Kota Bekasi, antarana, Juara Harapan Tk. Jabar Lomba Lingkungan Bersih & Sehat (LBS) jeung Juara Harapan II Tk Jabar Lomba Perilaku Hidup Bersih & Sehat (PHBS) ku TP PKK Kel. Mustika Sari Kec. Mustika Jaya, Kategori Kota; Juara Terbaik II Nasional Lomba Pengelola Kelompok Usaha Peningkatan Keluarga Sejahtera (UPPKS) sarta Juara Terbaik III Nasional Lomba Kader Bina Keluarga Balita (BKB), Juara I Akseptor Lestari Teladan Tk. Jabar, Kader Bina Keluarga Balita (BKB) Terbaik Tk.Jabar dina Harganas XVI. Lian ti eta dina hal pencapaian peserta KB ge Kota Bekasi hasilnya nyugemakeun. Taun 2009 target peserta KB anyar ngahontal 61.589 urang atawa 102,47% tina target. Tingkat kesertaan nu milu KB tina total jumlah pasangan usia subur (PUS) nyaeta 404.916 PUS nu jadi peserta KB aktip (PA) ngahontal 305.263 akseptor (75,39%), sarta peserta KB Aktip Mandiri ngahontal 188.077 akseptor (59,97%).
Anyar keneh, Ketua TP PKK Kota Bekasi Hj. Sumiyati Mochtar Mohamad nampa panghargaan Manggala Karya Kencana (MKK) dina puncak kagiatan Harganas XVII & BBGRM Tingkat Nasional di Kota Palu, Sulawesi Tengah.
Ku prestasi nu sakitu nyugemakeun dina pengelolaan program KB, Kota Bekasi di taun 2010 ieu ditunjuk jadi tempat lumangsungna kagiatan peringatan Harganas XVII & BBGRM VII Tingkat Jabar.*
Tesaf
Tidak ada komentar:
Posting Komentar