SAWATARA waktu kaliwat, Badan Keluarga Berencana Nasional (BKKBN) Propinsi Jawa Barat netepkeun genep pasang Duta Kependudukan dan Keluarga Berencana (KKB) Remaja jeung Mahasiswa tingkat Prov. Jabar. Acarana lumangsung di Kota Cimahi.
Nurutkeun Elma Triyulianti, salaku Kepala Seksi Remaja jeung Perlindungan Hak-hak Reproduksi BKKBN Jawa Barat, Pemilihan Duta KKB Remaja jeung Mahasiswa ieu the dina raraga neangan kader-kader program KB di tingkat rumaja. Lian ti mangrupa asset nu gede, rumaja the oge dina struktur kependudukan kawilang loba pisan jumlahna.
Masih cek Elma Triyulianti, ku ngangkat jeung netepkeun genep pasang Duta KBB ieu dipiharep sosialisasi ngeunaan keluarga berencana (KB) bisa leuwih karasa hasilna jeung angka perkawinan remaja di masarakat bisa saluyu jeung nu dipiharep ku pamarentah nyaeta dina umur 21-25 taunan. Sabab nurutkeun sumber data ti BKKBN rata-rata usia kawin rumaja di Jabar aya dina kisaran 18-19 taunan. Jeungna deui, rumaja ayeuna mah memang mikabutuh model-model nu bisa jadi panutan pikeun maranehna. Ku kituna ku ayana pamilihan duta KKB ieu dipiharep bisa jadi panutan pikeun para rumaja.*
Tesaf
Tidak ada komentar:
Posting Komentar