Kota Depok Jadi Puseur Kagiatan Harganas XIX Tingkat Jawa Barat

Hasil henteuna pengelolaan program KB sacara nasional sabada otonomi daerah gumantung pisan kana sukses henteuna pengelolaan program jeung kelembagaan KB di kabupaten/kota. Kota Depok mangrupa salasahiji daerah nu kawilang nyugemakeun dina hal prestasi pengelolaan program KB. Sabaraha prestasi boh di tingkat Nasional boh di tingkat Jawa Barat geus kacangking ku Kota Depok antarana,
Penghargaan Adhikarya Pangan Nusantara Tingkat Nasional Tahun 2011 nu dipasrahkeun ka Ketua TP PKK  Kota Depok Dra. Hj. Nur Azizah Tamhid, MA, Piagam Penghargaan Museum Rekor Dunia Indonesia ka Ketua TP PKK Kota Depok, Penghargaan Partial Madya II Tingkat Nasional salaku Pelaksana Terbaik Pemanfaatan Toga Kategori Kota Tahun 2011 nu dicangking ku Kelurahan Duren Seribu Kecamatan Bojongsari, Juara Harapan II Tingkat Nasional Lomba Penyuluhan Trafiking nu dicangking ku anggota Pokja I TP PKK Hj. Linda Gondewa, S.Ag. Di tingkat provinsi Juara I Kader PKK Terbaik, Juara I Pelaksana Terbaik 10 Program Pokok PKK Kel Abadijaya Kec Sukmajaya, Peringkat I Pelaksana Terbaik P2WKSS Kategori Peran Perempuan, Kel Duren Seribu, Peringkat III Kader Posyandu Berprestasi, Peringkat IV Posyandu Berprestasi Kategori Kota Kel Meruyung Kec Limo Posyandu Nusa Indah II, Juara Harapan I Lomba Masakan 3B diraih Kec Tapos, Juara Harapan II Lomba Masakan Serba Ikan, Juara Umum Dasa Lomba Harganas Tahun 2011
Lian ti eta dina hal pencapaian peserta KB ge Kota Depok hasilnya nyugemakeun. Ku prestasi nu sakitu nyugemakeun dina pengelolaan program KB, Kota Depok di taun 2012 ieu ditunjuk jadi tempat lumangsungna kagiatan peringatan Harganas XIX Tingkat Jawa Barat. Acarana lumangsung tanggal 18 Juli 2012 di lapangan Korps Brimob Polri Kelapa Dua Cimanggis Kota Depok*
(Tesaf, dimuat di SKM Galura)

Isu Kependudukan, Masalah Urang Sarerea

Isu ngeunaan pangwangunan utamana urusan penduduk, bakal jadi masalah nu penting.  Hasil henteuna pangwangunan, salasahijina gumantung kana kamampuan ngokolakeun aspek kependudukan. Boh dina aspek kuantitas, kualitas oge pola sumebarna penduduk. Pangwangunan lamun teu merhatikeun aspek kependudukan, dina jangka pendek bisa jadi bakal karasa mangpaatna tapi dina jangka panjang mah mangpaatna bakal ngurangan, nu kaerong bisa ngancurkeun tatanan kahirupan di mana-mana. Tiap jalma bakal parebut dina sagala urusan sumberdaya boh energi, dahareun boh urusan cai tina akibat teu saimbangna antara jumlah penduduk jeung sumber daya nu nyampak. Ngaronjatkeun pangaweruh, pemahaman jeung kasadaran masarakat ngeunaan isu kependudukan mangrupa masalah urang sarerea. Eta hal dijentrekeun ku Deputi Pengendalian Penduduk BKKBN Pusat, DR Wendy Hartanto MA, sabada ngaresmikeun acara referat ‘Wawasan Kependudukan dalam Konstilasi Arah Pembangunan Global” nu lumangsung  anyar-anyar ieu di Bandung ti tanggal 27-29 September 2012.
“Kahareup, kuayana ieu kagiatan BKKBN bisa sigap jeung gancang dina nyanghareupan masalah  kependudukan, bisa jadi pusat rujukan jeung bank data dina masalah kependudukan, oge boga parameter nu jelas ngeunaan kependudukan,” pokna.
Ku kituna, Badan Kependudukan Keluarga Berencana Nasional (BKKBN) Pusat  dina tarekah ngawujudkeun pemahaman kana isu masalah kependudukan ieu, ngayakeun kagiatan ‘referat’  pikeun para kabid pengendalian kependudukan jeung kasubbid kerjasama pendidikan kependudukan BKKBN sa Indonesia. Dimana hasilna ngaliwatan edukasi ieu, dipiharep sakumna nu ngokolakeun program pengendalian penduduk hususna nu mangku jabatan dina widang pendidikan kependudukan paham ngeunaan posisi kependudukan dina raraga perkembangan strategi pangwangunan global. Lian ti eta ge diharep sakumna materi ngeunaan pendidikan kependudukan bisa disosialisasikeun deui ka masarakat umum boh liwat jalur formal boh nonformal.*
(Tesaf; dimuat di SKM Galura Minggu 1 Oktober 2012)

PLKB Kudu Jadi Conto jeung Motivator Program KB

Program Keluarga Berencana nu dicanangkeun ku pamarentah sacara nasional sawadina ku urang sarerea dirojong kalawan enya-enya. Tapi kuayana otonomi daerah aya sababaraha parobahan nu karasa dina tarekah ngaronjatkeun kualitas kompetensi tanaga program nu tacan nyumponan harepan, utamana Petugas Lapangan Keluarga Berencana (PLKB). Balukarna mekanisme operasional di lapangan saeutikna rada nyirorot.
Sababara tarekah geus dilakukeun ku Perwakilan BKKBN Jawa Barat. Salasahijina ku nyieun 5 lengkah strategis operasional. Kahiji nyusun data nu akurat tur bisa dipertangungjawabkeun, kadua ayana perencanaan desa/kalurahan, katilu ngawangun komitmen, kaopat pelaksanaan operasional KIE Program Kependudukan jeung KB sarta nu kalmia pelayanan KB-KS nu padu.
Otonomi daerah oge nyababkeun kondisi patugas lapangan jumlahna nyirorot sarta teu saimbang jeung rasio desa garapanana, nepika program KB di lini lapangan hasilna kurang maksimal.
Dina raraga ngantisipasi hal eta, Perwakilan BKKBN Jawa Barat ngalaksanakeun hiji kagiatan penilaian IMP PLKB/PKB jeung Ketua Kelompok UPPKS Teladan Tingkat Jawa Barat nu lumansung ti tanggal 16-17 April 2012 di Lembang, Kab. Bandung Barat. Nurutkeun Kepala Perwakilan BKKBN Jawa Barat Hj. Siti Fathonah, kagiatan penilaian PLKB the tujuanana taya lian pikeun ngaronjatkeun motivasi kinerja patugas KB di lini lapangan sarta ngaronjatkeun sikep partisipasi Institusi Masyarakat Pedesaan (IMP) dina ngokolakeun Program KKB. Di sagigireun eta ge cenah, nu utama mah dipiharep bisa  ngaronjatkeun wawasan, pangaweruh jeung kabisa PLKB/PKB,IMP jeung Ketua Kelompok Perwakilan UPPKS di lini lapangan
Leuwih jauhna nurutkeun Hj Netty P salaku Ketua PKK Jawa Barat sabada ngaresmikeun lumangsungna penilaian PLKB/PKB, IMP jeung Ketua Kelompok UPPKS Teladan Tingkat Jawa Barat ngajentrekeun, ieu kagitan dipiharep bisa lewih ngaronjatkeun kualitas sdm para PLKB/PKB,IMP jeung Ketua Kelompok UPPKS dina ngokolakeun Program KKB di lini lapangan, oge dipiharep bisa jadi conto jeung motivator penggerak Program KB sarta nu utamana mah bisa ngageuing deui partisipasi Institusi Masarakat Pedesaan dina ngokolakeun program KKB di masarakatna.*
Tesaf