Ketua TP PKK Jabar, Hj. Netty Prasetiyani SS, MSi Nampa Anugrah Manggala Karya Kencana dina Harganas XVII

Dina acara puncak Hari Keluarga Nasional (Harganas) XVII jeung Bulan Bakti Gotong Royong Masyarakat (BBGRM) VII nu lumangsung di Kota Palu, Sulawesi Tengah (20/7), sababaraha tokoh jeung pimpinan Jawa Barat nampa anugerah Satyalencana Wira Karya (SWK), Manggala Karya Kencana (MKK), jeung Wira Karya Kencana (WKK). Ieu panghargaan SWK, MKK jeung WKK teh mangrupa hiji panghargaan ka tokoh jeung pimpinan daerah nu geus bisa ngokolakeun jeung ngajalankeun program Keluarga Berencana kalawan nyugemakeun hasilna sakumaha nu dipiharep.
     Nurutkeun Kepala Bidang Keluarga Sejahtera–Pemberdayaan Keluarga (KS-PK) Drs. S. Teguh Santoso, penghargaan Satyalencana Wira Karya (SWK) ti Presiden Susilo Bambang Yudoyono sarta dipasrahkeun ku Wakil Presiden Boedino ditarima ku Bupati Cianjur Drs. H. Tjetjep Muchtar Soleh, M.M; Walikota Banjar Dr.dr.H. Herman Sutrisno, M.M; Walikota Sukabumi H. Mokh Muslikh Abdussyyukur, S.H.,M.Si.; Ketua TP PKK Kab. Cirebon Hj. Sri Heviyana Dedi Supardi, Ketua TP PKK Kab. Bandung Hj. Iyan Obar Sobarna, Ketua TP PKK Kota Bandung Hj. Nani Dada Rosada jeung Ketua TP PKK Kota Bogor Hj. Fauziah Diani Budiarto, M.Si.
     Pikeun panghargaan Manggala Karya Kencana (MKK) dipasrahkeun ka Hj. Netty Prasetiyani SS, M.Si salaku Ketua TP PKK Prov. Jabar; Hj. Elin Abubakar Ketua TP PKK Kab. Bandung Barat; Hj. Rosye Sayrif Hidayat Ketua TP PKK Kota Tasikmalaya jeung ka Hj. Sumiyati Mochtar Mohamad Ketua TP PKK Kota Bekasi.
     Nu leuwih istimewa nurutkeun S. Teguh Santoso, salasaurang tokoh nu salila ieu terus ngabewarakeun kumaha pentingna Program KB liwat tulisan jeung kritik nyaeta H. Soeroso Dasar, SE, MBA salaku Ketua Ikatan Penulis Keluarga Berencana (IPKB) Prov. Jabar narima panghargaan Wira Karya Kencana (WKK).
     “Alhamdulillah, ari soson-soson jeung terus usaha ngokolakeun jeung ngajalankeun program Keluarga Berencana kalawan bener-bener tur didukung ku perangkat nu aya di daerahna sewang-sewangan mah geuning dina puncak Hari Keluarga Nasional (Harganas) XVII di Palu, Sulawesi Tengah sababaraha tokoh jeung pimpinan daerah nu aya di Jawa Barat narima panghargaan Satyalencana Wira Karya (SWK), Manggala Karya Kencana (MKK), jeung Wira Karya Kencana (WKK) ti Presiden jeung ti BKKBN Pusat,” pokna.*
Tesaf